Na dumku Andreja Savinych, u śviecie «idzie praces farmiravańnia makrarehijonaŭ». Pry hetym «kožny makrarehijon, ZŠA i ES — nie vyklučeńnie, akramia stratehii ŭłasnaha raźvićcia, pravodzić kontrstratehii, imknučysia zatarmazić raźvićcio inšych rehijonaŭ», — tłumačyć deputat.
— Dzialeńnie śvietu na makrarehijony vyklučyć mahčymaść u budučyni vyrablać IT-pradukt, asabliva vysokatechnałahičny i stratehičny, u adnym makrarehijonie i pradavać jaho ŭ inšym. Heta prosta budzie zabaroniena pa mierkavańniach biaśpieki.
A heta značyć, što taja častka IT-siektara Biełarusi, jakaja pracuje na amierykanski rynak, pavinna budzie pieraaryjentavacca na naš rynak albo źjechać.
Čamu? Tamu što pracavać ź Biełarusi na amierykanski rynak praz 5 hadoŭ budzie prosta niemahčyma. I bolš za toje, zabaraniać budzie nie biełaruski, a amierykanski ŭrad.
Ajcišniki pavinny dakładna zrazumieć: albo jany znachodziać nišu tut i pačynajuć pracavać na ŭłasnuju pramysłovaść i ekanomiku, albo pakujuć čamadany i pierajazdžajuć bližej da miesca svaich zakazčykaŭ i spažyŭcoŭ. Heta jakraz taki nie palityčnaja, a ekanamičnaja realnaść.
