TASS
Jak zajaviŭ u aŭtorak namieśnik dyrektara Centra imia Hamalei Dzianis Łahunoŭ, heta niaznačnaje źnižeńnie.
«My bačym, što ŭ dačynieńni da štamu «Delta» jość niaznačnaje źnižeńnie aktyŭnaści syvaratak — heta prykładna 2,6 razu», —skazaŭ jon na pres-kanfierencyi.
Jon adznačyŭ, što ŭ dačynieńni da zamiežnych vakcyn źnižeńnie składaje ad 3 da 5 razoŭ.
Heta aznačaje, što zajaŭlenaja efiektyŭnaść i «Sputnika», i «Fajziera», i «Maderny» suprać indyjskaha štama «Delta» składaje kala 90%. Heta značyć, što zachvareć moža tolki kožny dziasiaty vakcynavany, pryčym chvaroba praciakaje lahčej. (Ale hetaja statystyka nie datyčyć apošniaj mutacyi «Delta plus», jakaja, zdajecca, bolš zaraznaja i niebiaśpiečnaja.)
«Tamu my z aptymizmam hladzim na tuju efiektyŭnaść, jakaja ŭ nas atrymlivajecca. Padzieńnie jość, ale padzieńnie niaznačna», - dadaŭ namieśnik kiraŭnika Centra.
Pry hetym Łohinaŭ ličyć, što ŭ Rasii z-za nievialikaj prasłojki vakcynavanych stvarajucca idealnyja ŭmovy dla evalucyi infiekcyi.
«U nas z vami stvarajecca nievialikaja imunnaja prasłojka i vielizarny adsotak ludziej, jakija nie vakcynavany. U nas jość vielizarnaja bufiernaja zona dla evalucyi virusaŭ, dzie mohuć adbiracca varyjanty, jakija pierakidvajucca na tych niešmatlikich vakcynavanych i stvarajuć idealnyja ŭmovy dla evalucyi virusaŭ», — zaŭvažyŭ jon.
