Skrynšot videa MUS

Niekalkich takich skrutčykaŭ zatrymali ŭ Hrodnie, paviedamlaje pres-słužba MUS.

Dniom 25 červienia rabotnik abłasnoha UUS zaŭvažyŭ kala svajho aŭtamabila kampaniju małych, jakija zdymali z šyn kaŭpački. Mužčyna dastaviŭ dziaciej u RAUS. Vyśvietliłasia, im ad 8 da 12 hadoŭ.

Dzieci raspaviali, što pra zaniatak jany daviedalisia ad znajomych i sami pačali heta rabić z pačatku miesiaca.

Chłopcy paśpieli źniać amal 80 kaŭpačkoŭ i 40 aŭtamabilnych značkoŭ. Kaŭpački i znački chavali na leciščy i na leśvičnaj placoŭcy ŭ padjeździe, abmieńvalisia pamiž saboj i pradavali ich.

Milicyja zaznačaje, što pravodzicca pravierka, vyrašajecca pytańnie ab pryciahnieńni baćkoŭ da administracyjnaj adkaznaści za nievykanańnie abaviazkaŭ pa vychavańni dziaciej.

Pra anałahičny vypadak pisałasia ŭ Maładziečnie.

«Rehijanalnaja hazieta» ŭdakładniaje, što dzieci padsieli na čelendž u TikTok.

Pra padazronuju kampaniju školnikaŭ la pryparkavanaj u dvary «Škoda» ŭ milicyju paviedamiła 40-hadovaja haspadynia mašyny. Žančyna pilna sačyła za padletkami, bo napiaredadni zaŭvažyła, što źnik kaŭpačok ź nipiela. Historyja paŭtaryłasia — źnik jašče adzin kaŭpačok.

Nie čakajučy pryjezdu milicyi, žančyna vyrašyła samastojna razabracca ŭ situacyi — nastajała na tym, kab školniki pakazali źmieściva zaplečnikaŭ.

Vynik — 15 kaŭpačkoŭ z roznych aŭtamabilaŭ, siarod jakich žančyna paznała i svoj. Parušalniki — dvoje školnikaŭ 11-ci i 13-ci hadoŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?