Spravu razhladaŭ sudździa Dźmitryj Karsiuk. Dziaržabvinavačvańnie pradstaŭlaŭ prakuror Cimafiej Ničyparuk.
10 žniŭnia 2020 hoda siabry stelefanavalisia, viečaram sustrelisia i vypravilisia na Niamihu pahladzieć, što robicca na vulicach.
Kali AMAP pajšoŭ na ludziej, mnohija spałochalisia, vyjšli na prajeznuju častku. Siabry taksama apynulisia na prajeznaj častcy. Razam z usimi vykrykvali: «Milicyja z narodam» i «Žyvie Biełaruś!» Niekatory čas jany stajali ŭ sčepcy ŭ pieršym šerahu. Mienavita pa hetaj pryčynie ich zdoleli apaznać i zatrymać.
Žychar Minska Andrej Drabatovič byŭ zatrymany 14 krasavika 2021 hoda, da suda źmiaščaŭsia ŭ SIZA №1. Pravaabarončaj supolnaściu pryznany palityčnym źniavolenym. Vadzima Jakuboŭskaha zatrymali 23 krasavika, da suda źmiaščaŭsia ŭ SIZA №1. Jon taksama palitźniavoleny.
Siońnia sudździa Dźmitryj Karsiuk ahučyŭ prysud: Andreja Drabatoviča i Vadzima Jakuboŭskaha pryznać vinavatymi pa č. 1 art. 342 KK i pryznačyć pakarańnie ŭ vyhladzie abmiežavańnia voli terminam na try hady biez nakiravańnia va ŭstanovy adkrytaha typu (chatniaja chimija). Mienavita stolki prasiŭ prakuror.
Zaličyć u termin adbyćcia pakarańnia Drabatoviču — z 14 krasavika pa 2 lipienia, Jakuboŭskamu — z 23 krasavika pa 2 lipienia. Viarnuć Drabatoviču BČB-ściah.