Delfi.lt
«Tut my sapraŭdy bačym sistemu, palityčna matyvavanuju sistemu. Jeŭrapiejskaja kamisija i Jeŭrapiejski sajuz stajać na vašym baku ŭ hetyja ciažkija časy», — skazała fon der Lajen u Vilni na sumiesnaj pres-kanfierencyi z prezidentam i premjeram Litvy.
Taksama kiraŭnik Jeŭrakamisii zajaviła, što Litvie mohuć dać dostup da nadzvyčajnych srodkaŭ dla kantrolu za ekstremalnaj situacyjaj i nakiravać aficeraŭ ahienctva pamiežnaj i bierahavoj achovy ES Frontex dla ŭzmacnieńnia patrulavańnia.
Ministr zamiežnych spraŭ Litvy Habryelus Łandśbierhis učora zajaviŭ, što ŭ jaho nie ŭdałosia źviazacca z uładami Biełarusi dla abmierkavańnia mihracyi. Jon taksama skazaŭ, što raźličvaje pajechać u Irak i Turcyju, kab abmierkavać strymlivańnie mihracyi, bo, na jahonuju dumku, mihranty lotajuć u Minsk pramymi rehularnymi rejsami z Bahdada i Stambuła. «Bolšaści hetych ludziej treba budzie pakinuć Litvu i viarnucca dadomu, bo, na žal, jany nie zmohuć atrymać status palityčnaha prytułku», — dadaŭ Łandśbierhis.
