— Źmianieńniaŭ u pracy punktaŭ propusku niama. Jedźcie [va Ukrainu], niama nijakich prablem. Vas ža heta [zakryćcio miežaŭ] nie tyčycca. Tut ža, napeŭna, tyčycca pytańniaŭ supraćpraŭnaj dziejnaści na dziaržaŭnaj miažy. Kali nie źbirajeciesia parušać, nie chvalujciesia. Nakont propusku hramadzian praź dziaržaŭnuju miažu pracujem bieź źmienaŭ, z ulikam pastanovy Savieta Ministraŭ Respubliki Biełaruś №624 [pastanova «ab mierach pa praduchileńni raspaŭsiudžvańnia infiekcyjnaha zachvorvańnia»].
Na pytańnie, ci moža ŭsio pamianiacca, da prykładu, praz tydzień: vyjedzieš va Ukrainu, a ciabie potym nie puściać nazad, na pramoj linii vyrazna nie adkazali.
— A što moža pamianiacca? Nijakich źmienaŭ u pracy punkta propusku niama. Hramadzianie Respubliki Biełaruś svabodna viartajucca dadomu, bieśpieraškodna, biez prablem. Kali vy kantrabandyst i źbirajeciesia vieści supraćpraŭnuju dziejnaść u Biełarusi, tady pieražyvać varta, — skazali na pramoj linii.
Aficyjny pradstaŭnik DPK Anton Byčkoŭski raskazaŭ «Sputnik Biełaruś», što achova dziaržaŭnaj miažy Biełarusi z Ukrainaj ažyćciaŭlajecca va ŭzmocnienym varyjancie.
— Afarmleńnie asob, jakija pierasiakajuć miažu ŭ punktach propusku, ažyćciaŭlajecca jak na ŭjezd, tak i na vyjezd z ulikam dziejučych abmiežavańniaŭ i dadatkovych mier biaśpieki, jakija zaklučajucca va ŭzmacnieńni kantrolu asob i nadhladu transpartnych srodkaŭ, pierš za ŭsio iduć na ŭjezd u Biełaruś, — skazaŭ Byčkoŭski.
Pryčynaj rašeńnia zakryć miažu z Ukrainaj, nahadajem, Łukašenka nazvaŭ toje, što z terytoryi susiedniaj krainy idzie «vielizarnaja kolkaść zbroi».
— Tamu ja daručyŭ pamiežnym vojskam całkam pierakryć miažu z Ukrainaj — skazaŭ Łukašenka.
