U 245-ju hadavinu padpisańnia Deklaracyi niezaležnaści Złučanych Štataŭ ambasadarka Džuli Fišer padkreśliła, što «pryncypy toj deklaracyi — žyćcio, svaboda i imknieńnie da ščaścia — nia viedajuć nacyjanalnaści».

«My razumiejem, što mnohija ŭ Biełarusi imknucca da tych ža svabodaŭ i mahčymaściaŭ, jakija my ŭšanoŭvajem siońnia, — skazała ambasadarka. — Sutyknuŭšysia z hvałtam i represijami, biełarusy praciahvajuć damahacca taho, kab ich hołas pačuli. Śviet staŭ śviedkam mužnaści niehvałtoŭnych demanstracyj, što zaklikajuć da vyzvaleńnia suhramadzian, jakija ŭtrymlivajucca ŭ turmach u statusie palityčnych źniavolenych, praviadzieńnia svabodnych i spraviadlivych vybaraŭ i viaršenstva zakonu. Biełaruś zasłuhoŭvaje svabody i vybaru svajoj ułasnaj budučyni».

Džuli Fišer padkreśliła, što lehitymnaść lidera «moža być abumoŭlenaja tolki dobraachvotnaj zhodaj naroda». Jana vykazała salidarnaść ZŠA ź biełaruskim narodam i dadała, što ŭ hety śviatočny dla ZŠA dzień «Biełaruś praciahvaje być u dumkach mnohich amerykancaŭ».

Клас
Панылы сорам
Ха-ха
Ого
Сумна
Абуральна