TASS
Jaje aŭtar Bjanka Nahradzi razvažaje pra toje, čamu rasijskaja vakcyna da hetaha času nie atrymała adabreńnia Suśvietnaj arhanizacyi achovy zdaroŭja (SAAZ) i Jeŭrapiejskaha miedycynskaha ahienctva (JEMA).
«Źviestki z Rasii i mnohich inšych krain ciapier pakazvajuć, što heta biaśpiečna i efiektyŭna, ale zastajucca pytańni ab jakaści nazirańnia za mahčymymi redkimi pabočnymi efiektami», — piša Nahradzi.
Na jaje dumku, raspaŭsiud «Sputnika V» u śviecie zamarudziŭsia praź pieršapačatkovyja sumnieńni ŭ jaje efiektyŭnaści i adsutnaści danych ab redkich pabočnych źjavach.
Suprać vakcyny była rańniaja rehistracyja preparata ŭ Rasii — bolš čym za miesiac da publikacyi vynikaŭ I i II faz vyprabavańniaŭ na ludziach, a taksama toj fakt, što raspracoŭščyki vakcyny nie dali dostup da nieapracavanych vynikaŭ rańnich vyprabavańniaŭ vakcyny. Taksama sumnievy tych, chto vyvučaŭ pratakoły vyprabavańniaŭ, vyklikali niekatoryja razychodžańni ŭ źviestkach. Adnak, pa jaje słovach, hetyja sumnievy paźniej byli źniatyja raspracoŭščykami, navukoŭcami z Centra Hamalei.
Nahradzi taksama pakazvaje, što sa źjaŭleńniem danych pa vynikach vyprabavańniaŭ vakcyny raźviejvalisia sumnievy i ŭ jaje efiektyŭnaści: spačatku byli apublikavanyja vyniki I, II i III faz vyprabavańniaŭ, a zatym stali źjaŭlacca danyja ab efiektyŭnaści vakcyny, atrymanyja padčas daśledavańniaŭ u inšych krainach, naprykład, u AAE.
