Udzielniki akcyj patrabujuć svabody, demakratyi i bolš rašučych dziejańniaŭ uładaŭ u baraćbie z pandemijaj karanavirusa. Siarod łozunhaŭ demanstrantaŭ — «Dałoŭ dyktaturu» i «My nie baimsia», paviedamlaje Bi-bi-si.

Za apošnija sutki ŭ krainie była zarehistravana rekordnaja kolkaść chvorych. Ludzi patrabujuć ad uładaŭ paskoryć tempy vakcynacyi.

Adnak pratestoŭcy kažuć, što sprava nie tolki ŭ pandemii. Jany aburanyja deficytam elektraenierhii i charčavańnia.

Prezident Mihiel Dyjas-Kaniel zaklikaŭ kamunistaŭ vychodzić na vulicy i davać adpor pratestoŭcam. Pa jaho słovach, pryjšoŭ čas abaranić revalucyju.

«My hatovyja da ŭsiaho i budziem bicca na vulicach», — zajaviŭ Dyjas-Kaniel u efiry dziaržtelebačańnia.

Na vulicach zaŭvažanyja aŭtamabili siłavikoŭ z kulamiotami, paviedamlajecca, što ŭ krainie ŭvodzicca nadzvyčajnaje stanovišča.

Клас
0
Панылы сорам
0
Ха-ха
0
Ого
0
Сумна
0
Абуральна
0