Voś asnoŭnyja tezisy.

Pra adnosiny z Zachadam:

«My i ciapier hatovyja sadzicca za stoł pieramovaŭ ź lubym našym partnioram, jaki vykaža žadańnie na hety kont. Ale, na žal, pakul my nie čujem nivodnaha zdarovaha hołasu ŭ hetym chory…»

Ministr adznačyŭ, što toj ža Rasii spatrebiłasia bolš za 20 hadoŭ, kab źniać ružovyja akulary i adnaznačna zrazumieć, što «anhłasaksy nie źbirajucca pryniać hetuju vialikuju dziaržavu ŭ elitny kłub suśvietnych dziaržaŭ na svaim uzroŭni, z raŭnacennym pravam hołasu».

Prakamientavaŭ Uładzimir Makiej i zakryćcio miažy z Ukrainaj. Jon kaža, što pieraškod dla biznesu, turyzmu abo pieramiaščeńnia zvyčajnych hramadzian niama:

«Dla turystaŭ, dla zvyčajnych hramadzian miežy adkrytyja. Toje, što było skazana, što my zakryvajem miežy, aznačaje, što z ulikam tych padziej, jakija mieli miesca apošnija dni (a tut ad faktaŭ nikudy nie syści), ja maju na ŭvazie toje, što było pakazana pa telebačańni ŭ apošni čas, sa zbrojaj, z arhanizacyjaj terarystyčnych aktaŭ, anarchistami i hetak dalej, usio heta prymušaje nas bolš pilna hladzieć na achovu našych miežaŭ».

Što da palotaŭ u Krym, to ministr zajaviŭ, što treba hladzieć na ekanomiku:

«Kali heta budzie vyhadna, skažam tak, dla hramadstva, dla krainy, dla dziaržavy, to, ja dumaju, rašeńnie adpaviednaje budzie pryniata. Ale ŭ hetaj situacyi my pavinny ŭličvać i niekatoryja inšyja aśpiekty, źviazanyja z mahčymymi sankcyjami, jakija mohuć być uviedzienyja ŭ dačynieńni da Biełarusi».

Zakranuta było tema i dziejnaści niaŭradavych i zamiežnych arhanizacyj:

Na dumku ministra, ułady supracoŭničali i praciahvajuć supracoŭničać z arhanizacyj, u tym liku zamiežnych, jakija prynosiać kankretnuju karyść dziaržavie i hramadstvu. U toj ža čas, pa słovach Makieja, jość i takija arhanizacyi z destruktyŭnymi metami.

«Jak razhladzieć sutnaść hetych arhanizacyj — heta ŭžo inšaje pytańnie. Heta vielmi važnaja zadača, u pieršuju čarhu, viadoma, śpiecyjalnych słužbaŭ.

I pavinien pryznać, što postvybarčaja situacyja minułaha hoda źjaŭlajecca ŭ peŭnaj miery śledstvam taho, što našy śpiecsłužby, napeŭna, prahladzieli aktyŭnaść voś hetych destruktyŭnych arhanizacyj, jakija pasprabavali arhanizavać adpaviedny pieravarot u Biełarusi», — miarkuje kiraŭnik MZS.

Клас
0
Панылы сорам
0
Ха-ха
0
Ого
0
Сумна
0
Абуральна
0