Kolkaść nielehałaŭ vyrasła ŭ dziasiatki razoŭ paśla ŭviadzieńnia jeŭrapiejskich sankcyj. Ale apošnija dni patok mihrantaŭ, jakija niezakonna pierasiakajuć litoŭskuju miažu z boku Biełarusi, pajšoŭ na spad, kaža Indre Makarajcicie, kiraŭnica biuro rasśledavańniaŭ.
Indre Makarajcicie ŭ intervju rasijskaj słužbie «Radyjo Svaboda» raspaviała:
- Kolkaść nielehałaŭ vyrasła paśla incydentu z samalotam Ryanair u Minsku, rost naziraŭsia pačynajučy z druhoj pałovy maja, uvieś červień i lipień. Ale i da pasadki samalota ich užo było bolš, čym u 2020 i 2019 hadach.
- Pavieličeńnie kolkaści nielehałaŭ niasie prablemu dla Litvy. Kraina nikoli raniej nie sutykalisia z takim patokam. Usie jany prosiać palityčnaha prytułku. U Litvy prosta niama infrastruktury, kab pasialić usich hetych ludziej.
- Litva nie moža departavać hetych ludziej nazad u Biełaruś. Łukašenka skazaŭ, što denansuje damovu ab readmisii ź ES. Departacyja mahčymaja tolki ŭ krainy, adkul jany pryjechali. Prostych rejsaŭ ź Vilni ŭ Bahdad abo Tehieran niama. Jość rejsy ŭ Stambuł, pracedura departacyi praz trecija krainy vielmi doŭhaja i ciažkaja.
- U Iraku tyja, chto chočuć źjechać, prosta kuplajuć turystyčnuju pajezdku i atrymlivajuć turystyčnuju vizu ŭ Biełaruś. Jany sielacca ŭ hatelach. Jany apaviadajuć, što žyvuć tam 3—4 dni, paśla čaho da ich pryjazdžaje ŭžo biełaruski pravadnik, jaki viazie ich da miažy i adpuskaje, pakazvajučy: «Jeŭropa — tam». Hetyja pravadniki kažuć mihrantam, što z druhoha boku ich budzie čakać mašyna ź litoŭskim ci kurdskim kiroŭcam, jakaja adviazie ich adrazu ŭ Niamieččynu. U pakiet koštam 15 000 dalaraŭ uvachodzić mienavita šlach z Kurdystana da Niamieččyny.
- Litoŭskija ŭłady kažuć, što biełaruskija pamiežniki dapamahajuć mihrantam. Ad samich mihrantaŭ my viedajem tolki, što jany nibyta nie zaminajuć.