«My patrabujem pieramien. Ale adzinaja revalucyja, jakaja moža sapraŭdy źmianić naš los da lepšaha, jak zaznačyŭ jašče Benedykt XVI, — h.zv. zvany «Kapiernikaŭski pieravarot».
Raniej ličyłasia, što nie Ziamla abaročvajecca vakoł Sonca, a, naadvarot, Sonca krucicca vakoł Ziamli. Mienavita takoje ŭražańnie składałasia ŭ ludziej, jakija bačyli, jak jano štoranicy ŭzychodzić i štoviečar apuskajecca za dalahlad.
Słavuty Kapiernik nie pieraviarnuŭ śviet, ale źmianiŭ naš pohlad na jaho, adkryŭšy, što ŭ centry našaj sistemy znachodzicca Sonca, vakoł jakoha abaročvajucca płaniety, u tym liku i Ziamla. Mienavita taki «Kapiernikaŭski pieravarot» patrebny nam siońnia, kab my nie tolki ŭśviadomili, što ŭ centry našaha žyćcia znachodzicca Boh, ale kab žyli zhodna z hetaj praŭdaj.
Tady, kali źmienicca naš pohlad i padychod, adbuducca takija patrebnyja pieramieny ŭ žyćci našym asabistym, siamiejnym i hramadskim», — skazaŭ Butkievič.
