Suprać Aleny Hnaŭk, jakuju 2,5 miesiacy tamu asudzili da 2 hadoŭ chatniaj chimii pa spravie karahodaŭ, raspačali kryminalnuju spravu za abrazu Łukašenki.

U pastanovie adznačajecca, što jana «ŭ zale «Doma pravasudździa» vykazałasia frazaj, jakaja źmiaščaje niehatyŭnuju acenku i źjaŭlajecca abraźlivaj u adnosinach da dziejučaha prezidenta, čym publična abraziła jaho». 

Jak ličyć sama Alena, na razhladzie «spravy karahodaŭ», dzie jana vystupała ŭ jakaści abvinavačanaj, jana prosta niekarektna vykazałasia pra Łukašenku, ale abraz nie było.

Padstavaj dla zaviadzieńnia spravy stała zajava adnaho z achoŭnikaŭ Leninskaha RAUS Bresta, jaki znachodziŭsia na sudzie. Žančynie pahražaje da čatyroch hadoŭ źniavoleńnia (č. 1 art. 368 KK).

Na hety momant Alena źjaŭlajecca padazravanaj, ale 26 lipienia jaje znoŭ vyklikajuć u SK Bresta. Spravu Hnaŭk viadzie śledčy Mileŭski.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?