Vadzimir Zarankin
«Źmianiŭ try kamiery. Spačatku siadzieŭ u čatyrochmiesnaj, dzie było 16 čałaviek i tempieratura za +40. U kamiery ŭsie byli ŭ adnoj bialiźnie absalutna mokryja, było ciažka dychać i prosta varušycca. Potym pieraviali ŭ adnamiesny karcar, dzie było jašče vosiem čałaviek, adsutničaŭ łožak, a na padłozie była plitka. Zatym — u inšuju čatyrochmiascovuju kamieru, dzie nas było dvanaccać. U rešcie rešt viarnuli ŭ pieršuju kamieru, dzie było ŭžo 18 čałaviek.
Pierapoŭnienaść kamier takaja, što miesca chapaje roŭna na toje, kab usim źmiaścicca spać na padłozie. Kali niekaha vyzvalali, to chutka pryvodzili novych ludziej. Pry hetym, u CIP dakładna jość pustyja kamiery. Bializnu i matracy nie vydajuć, bolšaść śpić na padłozie, heta kamfortniej, čym na žaleznych narach.
Asabistyja rečy ŭziać z saboj u kamieru nie dazvalajuć, pieradačy ad svajakoŭ prymajuć, ale nie pieradajuć — addajuć, kali vyzvalaješsia. U vyniku amal usie siadziać bieź źmiennaj bializny, adzieńnia, zubnoj ščotki, ručnika.
Za 10 dzion u duš nie vadzili ni razu, mylisia z butelek nad unitazam. Adboj u 22, padjom — a 6-j ranicy, dniom lažać nielha. Kožnuju noč kamieru budziać dva razy, u 2 i 4 hadziny, kab zładzić pierakličku. Vyspacca nie ŭdajecca, stomlenaść nazapašvajecca.
Asłablajecca imunitet, mnohija chvarejuć. Ja straciŭ niuch, choć i vakcynavany. Paśla vychadu na volu test na karanavirus apynuŭsia stanoŭčym».
