Delfi.lt
Kansiervatar Aŭdronius Ažubalis paradavaŭsia novaha paradku. «Narešcie pryniata surjoznaje rašeńnie ŭ baraćbie z nastupstvami hibrydnaj vajny. Realna adnoviać status miažy Litvy, ludziej, jakija naŭmysna niezakonna pierasiakajuć miažu, buduć rasceńvać jak złačyncaŭ. Kaniečnie, heta možna było zrabić raniej, try tydni tamu», — napisaŭ jon.
Zaraz litoŭskija pamiežniki adpraŭlajuć mihrantaŭ nazad u Biełaruś.
Ministr abarony Litvy Arvidas Anušaŭskas skazaŭ, što parłamient budzie vyrašać pytańnie paŭnamoctvaŭ vajskoŭcaŭ, jakija pracujuć na miažy.
«U bližejšy čas buduć źmienienyja zakony tak, što našy vajskoŭcy zmohuć być hłybiej ŭciahnutyja ŭ praces achovy miažy, buduć nie prapuskać mihrantaŭ», — skazaŭ ministr.
Raniej vice-ministr unutranych spraŭ Arnoldas Abramavičus kazaŭ ab dvuch scenarach nadzvyčajnaha zdareńnia: dziejańnie režymu ŭ pamiežnych rajonach — 5 km ad miažy abo ŭ asobnych municypalitetach, dzie fiksujecca parušeńnie miažy.
