Dziejańnie klipa adbyvajecca nočču ŭ vielizarnaj siurrealistyčnaj dekaracyi, pabudavanaj na zakinutym zavodzie. Pa słovach stvaralnikaŭ, ideja rolika natchnionaja tradycyjnym biełaruskim lalečnym teatram-batlejkaj.
«My pieraasensavali ideju tradycyjnaj batlejki. Ujaŭleńni ludziej pra pabudovu śvietu ŭskładnilisia, tamu i naša batlejka vyhladaje pa-novamu. U jakaści karcin raju my vykarystoŭvali pracy sučasnaj biełaruskaj mastački Naści Rydleŭskaj, a kaściumy i aksiesuary dla hałoŭnych hierojaŭ dali aktualnyja biełaruskija dyzajniery, — raspaviadajuć režysiory pradakšana DVAcinema Maša Manakova i Dźmitryj Laŭkoŭski. — Na praciahu ŭsiaho prajekta nas pieraśledavali dziŭnyja supadzieńni i znaki, a sama zdymka prachodziła ŭ samuju karotkuju noč u hodzie. U vyniku atrymałasia strašnaja kazka pra sučasnuju biełaruskuju realnaść, napoŭnienaja mietafarami i simvałami».
U klipie źnialisia i ŭdzielniki hurta — jak kažuć stvaralniki «u vobrazie sučasnych bremienskich muzykaŭ».
