ŚMI spasyłajecca na ambasadara ES u Iraku Marcina Chuta.
Chut dadaŭ, što pakul nie atrymaŭ aficyjnaha paviedamleńnia ad «Irakskich avijalinij». Adnak, pavodle jahonych słoŭ, irakski ŭrad sfarmiravaŭ kamitet dla rasśledavańnia mahčymaha niezakonnaha ŭvozu irakskich mihrantaŭ u Litvu praź Biełaruś.
Pa niepaćvierdžanaj pakul infarmacyi, u najbližejšy čas taksama moža być abvieščana ab razryvie avijaznosin pamiž Biełaruśsiu i Irakam.
Nahadajem, z pačatku hoda na litoŭska-biełaruskaj miažy zatrymanyja tysiačy nielehałaŭ, pieravažna žychary Iraka. Heta ŭ dziasiatki razoŭ bolš, čym za ŭvieś 2020 hod.
U kancy maja Łukašenka naŭprost zajaviŭ, što Biełaruś bolš nie budzie strymlivać patok mihrantaŭ, pakolki ES uvioŭ ekanamičnyja sankcyi suprać režymu.
MZS Litvy zajaviła, što budzie patrabavać dadatkovyja sankcyi suprać Minska, kali kantrabanda ludziej praciahniecca.
Litva patrabavała ad Iraka prypynić paloty irakskich samalotaŭ u Minsk.
Nahadajem, 2 žniŭnia stała viadoma, što Minsk daŭ dabro na dadatkovyja try rejsy ź Iraka, vykonvać ich chacieła avijakampanija Iraqi Airways. Paloty płanavałasia zapuścić z haradoŭ Sulejmanija (z 2 žniŭnia), Basra (z 5-ha žniŭnia) i Erbil (z 7-ha žniŭnia). Heta bujnyja harady z nasielnictvam ad 700 tysiač da 1,3 miljona ludziej.
