BiełTA

BiełTA

Pra heta jon zajaviŭ siońnia na naradzie pa pytańniach situacyi na miažy, pieradaje BiełTA.

«Ź siońniašniaha dnia nivodnaja naha na terytoryju Biełarusi z sumiežnaha boku, ci to z poŭdnia ci z zachadu, kročyć nie pavinna. Jak vy budziecie heta rabić — voś paśla hetaj narady abmiarkujem, — źbieraciesia ŭ dziaržsakratara. Tut ministr MUS, ministr abarony. Zakryjcie kožny mietr miažy. My niezdarma ŭkładvali kałasalnyja srodki ŭ pamiežnyja vojski, u našy naohuł siłavyja struktury. Narod naš pavinien adčuvać siabie spakojna, jon pavinien viedać, što jość mužyki, jakija hatovyja ich abaranić, — zajaviŭ Łukašenka. — Voś heta my pavinny zrabić. Elemientarna. Nie daj boh, jany (sumiežnyja krainy) pačnuć realizoŭvać taktyku vydvareńnia ludziej, jakich jany tudy paklikali (nielehalnych mihrantaŭ) praz aficyjnyja prapusknyja punkty. Heta ŭžo… vy viedajecie nastupstvy, jany — taksama. Tamu chaj dumajuć. My ich papiaredzili, a jany niachaj dumajuć».

«Miač na ich baku. Ale dajści da taho, kab zabivać ludziej i napaŭžyvych vykidvać na našu terytoryju … Nu nacysty i ŭsio, čaho pra ich kazać», — dadaŭ jon.

Nahadajem, što pazaŭčora litoŭcy pačali viartać nielehalnych mihrantaŭ u Biełaruś, jakich zatrymlivajuć na miažy.

Za sieradu litoŭskija pamiežniki zatrymali 19 čałaviek, a vypravadzili nazad bolš za 300 mihrantaŭ. Pierad hetym kolkaść nielehalnych mihrantaŭ pabiła ŭsie mahčymyja rekordy, 2 žniŭnia zatrymali 214 čałaviek, a ŭ niadzielu, 1 žniŭnia, 294 čałavieki.

Učora dziaržSMI paviedamili, što na miažy byŭ znojdzieny źbity hramadzianin Iraka, ad atrymanych traŭmaŭ jon pamior.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?