U vyniku biełaruski zaniali 15 miesca z 16 udzielnikaŭ. Zbornaja Bahamskich astravoŭ nie zmahła finišavać. Ad pieramožcaŭ biełaruski adstali na 12 siekund.
Na trecim etapie za Biełaruś biehła Elvira Hierman, jakaja śpiecyjalizujecca na biehu z barjerami.
Nahadajem, što Cimanoŭskaja, jakaja śpiecyjalizujecca na biehu na 100 i 200 mietraŭ, publična raskrytykavała trenieraŭ i funkcyjanieraŭ zbornaj, jakija vyrašyli jaje pastavić na niaprofilnuju dyscyplinu. A dvoje dziaŭčat nie zmahli paŭdzielničać u Alimpijadzie praź niedachop dopinh-testaŭ.
U składzie biełaruskaj kamandy ŭ vyniku vystupili Alaksandra Chilmanovič, Julija Bliźniuk, Elvira Hierman i Asteryja Limaj. Lepš za ŭsich svoj etap prabiehła Bliźniuk — 51,67 siekundy, horš za ŭsich — Hierman: joj spatrebiłasia 55,34 siekundy.
