Pavodle apošnich źviestak Dziaržaŭnaj pamiežnaj słužby Łatvii, za minułyja sutki na parušeńni łatvijska-biełaruskaj miažy zatrymanyja 28 nielehałaŭ ź Iraka, paviedamlaje Delfi.
U pryvatnaści, u vołaści Skrudalijenas pry praviercy pamiežniki zatrymali hrupu, u jakuju ŭvachodzili 12 irakcaŭ, što raniej niezakonna pierasiekli miažu.
Na padstavie paviedamleńnia miascovaha žychara na aŭtobusnym prypynku «Varpienie» ŭ hetaj ža vołaści byli zatrymanyja jašče čaćviora nielehałaŭ.
Treciuju hrupu, jakaja składajecca z 12 čałaviek, zatrymali ŭ vakolicach vioski Łupandy ŭ vołaści Pijedrujas — u Łatviju jany patrapili, pierapłyŭšy raku.
Usie irakcy znachodziacca ŭ centrach utrymańnia zatrymanych zamiežnikaŭ.
