«Dziaržaŭnyja orhany adšukali farmalnyja padstavy, kab likvidavać abjadnańnie, jakoje try dziesiacihodździ plonna pracavała dla biełaruskaj kultury i litaratury. Biełaruski PEN, zasnavany Vasilom Bykavym, Ryhoram Baradulinym, Karłasam Šermanam, Śviatłanaj Aleksijevič, jakaja ciapier uznačalvaje jaho, zaŭždy spaviadaŭ pryncypy svabody słova i svabody volevyjaŭleńnia.

Likvidujučy arhanizacyju, Viarchoŭny sud śćvierdziŭ, što hetym kanstytucyjnym pravam i svabodam niama miesca ŭ piśmieńnickim asiarodździ, — havorycca ŭ zajavie. — Pryznačanaje na 11 žniŭnia takoje ž likvidacyjnaje pasiadžeńnie dla Biełaruskaj asacyjacyi žurnalistaŭ paćviardžaje, što hetych ža samych pravoŭ nie mohuć mieć i supracoŭniki niezaležnych miedyja»

Sajuz biełaruskich piśmieńnikaŭ nahadvaje, što na siońnia znachodzicca pad pahrozaj likvidacyi paśla vobšuku i błakavańnia rachunku, a taksama dvuch papiaredžańniaŭ ad Miniusta za «niesvoječasovaje pradastaŭleńnie zapatrabavanych dakumientaŭ», jakija nie moža pradastavić, bo pamiaškańnie ofisa apiačatana.

SBP patrabuje ad uładaŭ vykanańnia zamacavanych u Kanstytucyi bazavych pryncypaŭ prava.

«Možna likvidavać arhanizacyju, ale volnaje słova i praŭdu pra naš čas likvidavać niemahčyma», — reziumujecca ŭ zajavie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?