Siońnia, 13 žniŭnia, z boku Polščy da biełaruskaj miažy dastavili hrupu zamiežnikaŭ. Vypadak adbyŭsia na ŭčastku pahraničnaj zastavy Bialany, śćviardžaje Dziaržaŭny pamiežny kamitet Biełarusi.
Aŭtamabil takoha typu nie vykarystoŭvajecca polskimi pamiežnikami, a naležyć Uzbrojenym siłam Polščy, adznačaje biełaruskaje viedamstva.
Nahadajem, adnosiny Biełarusi z zachodnimi susiedziami abvastrylisia na fonie represij suprać biełaruskaj hramadzianskaj supolnaści paśla prezidenckich vybaraŭ. Polšča i Litva nie pryznali prezidenckija vybary ŭ Biełarusi, jany ŭviali sankcyi suprać aficyjnaha Minska. ES i Biełaruś prypynili supracoŭnictva ŭ mnohich śfierach, u tym liku ŭ pytańniach baraćby ź nielehalnaj mihracyjaj. Litva abvinavačvaje biełaruskaje kiraŭnictva ŭ štučna stvoranym mihracyjnym kryzisie. Mihracyjny kryzis pačaŭsia letam, u niekatoryja dni sotni nielehalnych mihrantaŭ pačali pierasiakać litoŭskuju, łatvijskuju i polskuju miažu ź biełaruskaha boku. Uźnik vielizarny kanał nielehalnaj mihracyi, pa svaich maštabach paraŭnalny z kanałam nielehalnaj mihracyi ŭ centralnym Mižziemnamorji.
Litva pačała viartać u Biełaruś nielehalnych mihrantaŭ, zatrymanych na niejtralnaj pałasie. Taksama kraina damahłasia admieny rejsaŭ irakskich avijakampanij u Minsk.