U Śvietłahorsku mocny viecier vyrvaŭ sasnu z koraniem. Dreva ŭpała na dom, raźbiŭšy vokny ŭ niekalkich kvaterach, paviedamlaje «Ranak».
Jak raspaviali žychary doma, u jaki mienavita čas usio adbyłosia, nichto dakładna nie viedaje. Nastupstvy niepahadzi zaŭvažyli tolki ranicaj. Hanna Jakaŭleŭna Pałtaržyckaja žyvie na 6-m paviersie. Krona chvoi paškodziła škło ramy bałkona ŭ jaje kvatery.
— Ja padyšła — raźbitaje akno, dy i ŭsio, — kaža Hanna Jakaŭleŭna. — Adrazu navat i nie zrazumieła, a potym hladžu, sasnovyja ihołki na bałkonie. Dumaju, adkul jany ŭzialisia. Pryhledziełasia — aha. Vyjšła na vulicu, pahladzieła. Potym patelefanavała ŭ 115. Chvoja vielmi mocnaja była, ja nikoli b nie padumała, što ŭpadzie. Jana na vačach našych rasła. Bačycie, kolki šyšačak, nijakaj chvaroby, ničoha.
