Dźmitryj Kanapielka, dev.by
U červieni sud Maskoŭskaha rajona prysudziŭ Dźmitryja Kanapielku i jašče troch fihurantaŭ spravy «ab łaziernych ukazkach» da 5 hadoŭ kałonii ŭzmocnienaha režymu.
U spravie było čacviora abvinavačanych: Dźmitryj Kanapielka (dyrektar «Technakratyi»), Ihar Jarmołaŭ (IP, nastaŭnik škoły tancaŭ), Mikałaj Sasieŭ (biespracoŭny) i Uład Karecki (aśviatlalnik «Biełaruśfilma»).
Ich abvinavačvali pa art. 293 KK RB «Masavyja biesparadki». Abvinavačvańnie tyčyłasia padziej 9-12 žniŭnia. Kožny z čacviarych, na dumku dziaržabvinavaŭcy, «mieŭ namier asabista ŭdzielničać u masavych biesparadkach, častkova padaŭ nieŭstanoŭlenym asobam ź liku ŭdzielnikaŭ masavych biesparadkaŭ u metach prymianieńnia nazvanyja vyšej pradmiety». Pradmiety — heta «dva małatki ślasarnyja, nie mienš za 90 łaziernych ukazak, nie mienš za dźvie zapalnički, nie mienš za dva piratechničnyja vyraby».
Minski haradski sud razhledzieŭ apielacyju pa spravie dyrektara IT-kampanii «Technakratyja» Dźmitryja Kanapielki. Rašeńnie suddzi Maskoŭskaha rajona Minharsud pakinuŭ bieź źmien, paviedamiŭ dev.by advakat Dźmitryja.
I voś stała viadoma, što kampanija «Technakratyja», jakuju ŭznačalvaje Dźmitryj Kanapielka, bolš nie ŭvachodzić u PVT. Kampanii niama ŭ śpisach rezidentaŭ Parku.
Dźmitryj Kanapielka nie inicyjavaŭ vychadu kampanii z PVT.
