U siužecie padrabiazna raskazvałasia pra zabojstvy piensijanieraŭ.
«Siońnia jamu 30. Mahło b być, — paviedamiła žurnalistka ŭ kancy siužetu. — Pieršy śmiarotny prysud u 2021 hodzie».
Aficyjna pra vykanańnie śmiarotnaha prysudu nie paviedamlałasia.
***
Viktara Skrundzika, Valancina Bušnina i Vitala Miacieža zatrymali ŭ lutym 2019 hoda. Za niekalki miesiacaŭ da hetaha Viktar Skrundzik vyjšaŭ na volu paśla čarhovaj adsidki. Trojca stała rabavać piensijanieraŭ.
Sam Skrundzik zabiŭ dvaich piensijanieraŭ — adnaho ŭ vioscy Uljanaŭka, druhoha ŭ susiednich Suchoŭčycach. Paśla jon napaŭ jašče na adnu piensijanierku ŭ Suchoŭčycach, ale jana vyžyła.
Mienavita praź jaje pakazańni stała viadoma pra zabojstva 79-hadovaha Michaiła Šuhaleja ŭ Suchoŭčycach. Raniej śledčyja ličyli, što dzied zhareŭ praz prablemy z hrubkaj, ale vyśvietliłasia, što heta Skrundzik padpaliŭ jaho dom. Pra heta ahavaryŭsia sam Skrundzik, padčas źbićcia piensijanierki jon skazaŭ: «Addavaj hrošy, ci budzie tabie toje ž, što i Šuhaleju!»
Na sudzie prakuror paprasiŭ rasstralać Viktara Skrundzika, Vitala Miacieža adpravić na 22 hady ŭ kałoniju ŭzmocnienaha režymu, a Valancina Bušnina — pasadzić na 18 hadoŭ. Taki vyrak sud i vynies.
Viarchoŭny sud pakinuŭ apielacyjnuju skarhu biez zadavalnieńnia.
«Paśla hetych zabojstvaŭ usich starych, chto adzin žyŭ, dzieci pazabirali. Strašna»