Znakamity eks-futbalist Piele abviaściŭ 6 vieraśnia, što jon znachodzicca ŭ špitali. U sacyjalnych sietkach brazilec patłumačyŭ, što jon prachodzić adnaŭleńnie paśla apieracyi pa vydaleńni puchliny ŭ kišečniku.

80-hadovy eks-hulec, adziny ŭ śviecie trochrazovy čempijon śvietu, napisaŭ, što adčuvaje siabie dobra, piša Guardian.

Špital imia Albierta Ejnštejna ŭ brazilskim San-Paŭłu abviaściŭ, što pakul Piele znachodzicca ŭ adździaleńni intensiŭnaj terapii. Ale 7 vieraśnia brazilca płanujuć pieravieści ŭ zvyčajnuju pałatu. Puchlinu, vydalenuju padčas apieracyi, dasłali na analiz.

Raniej źjaŭlalisia źviestki pra toje, što brazilec stračvaŭ prytomnaść, a taksama pra toje, što jon pakutuje na depresiju, adnak Piele ŭsio abviarhaŭ.

Padčas futbolnaj karjery Piele byŭ viadomy jak hulec, jaki redka atrymlivaje traŭmy. Ale ciapier užo šmat hadoŭ jon maje prablemy sa ściahnom i nie moža chadzić biez dapamohi. Z pačatku pandemii kavidu Piele amal što nie źjaŭlajecca na publicy.

Клас
0
Панылы сорам
0
Ха-ха
0
Ого
0
Сумна
0
Абуральна
0