Dziaŭčynu trojčy za try miesiacy adpraŭlali ŭ ŠIZA, taksama jaje pazbavili doŭhaterminovaha spatkańnia z maci, a karotkačasovaha nie dazvalajuć ciaham užo čatyroch miesiacaŭ.

U homielskaj kałonii Sonia pracuje i vučycca na kursach cyrulnika. Jaje taksama pastavili na prafiłaktyčny ŭlik.

Safija Małaševič pieršy raz była zatrymana 6 vieraśnia na akcyi pratestu «Marš adzinstva», padčas jakoj jana bałončykam z farbaj malavała na pavierchni ščytoŭ śpiecyjalnych srodkaŭ zaharody. Jana stała padazravanaj pa kryminalnaj spravie pa art. 342 KK (udzieł u hrupavych dziejańniach, što hruba parušajuć hramadski paradak) i č. 2 art. 339 KK (chulihanstva, ździejśnienaje hrupaj asobaŭ).

Tady jaje adpuścili pad padpisku ab niavyjeździe, ale znoŭ zatrymali 30 listapada i źmiaścili pad vartu.

Taksama stała viadoma, što Safiju vinavaciać u abrazie prezidenta (art. 368 KK RB).

Padčas suda abvinavačańnie taksama pierakvalifikavała č.2 art. 339, zhodna ź jakoj abvinavačvali Safiju Małaševič, na č.1 art. 339. Šlacham składańnia pakarańniaŭ pa troch artykułach (č.1 art.368, č.1 art. 342, č.1 art. 339) jaje pakarali dvuma hadami pazbaŭleńnia voli ŭ kałonii ahulnaha režymu.

Čytajcie taksama: Manałoh mamy Safii Małaševič: «Ja vieru, što chutka Zosia budzie na voli»

Клас
0
Панылы сорам
0
Ха-ха
0
Ого
0
Сумна
0
Абуральна
0