Pra heta Radyjo Svaboda paviedamiŭ muž Kaciaryny Andrejevaj Ihar Iljaš.
«Kaciarynie pamianiali birku na kazionnym stroi i ciapier tam značycca novaja data vyzvaleńnia — 5 vieraśnia», — paviedamiŭ Ihar Iljaš paśla telefanavańnia ad žonki z kałonii.
«Kaciaryna raskazała, što adčuvaje siabie dobra, hołas byŭ badziory. Raniej jana pisała ŭ listach, što ad 1 vieraśnia jaje ŭ kaledž (PTV) zaličyli, vučycca na cyrulnika. Kaža, što vykładčyki pryjemnyja, dobraja ahulnaja atmaśfiera — vielmi dapamahaje abstrahavacca ad sumnaj rečaisnaści. To-bok navučalny praces joj prynosić pazityŭnyja emocyi», — dadaŭ jon.
Iljaš udakładniŭ, što takoje ž rašeńnie było ŭchvalenaje sudom i adnosna Darji Čulcovaj.
Kaciaryna Andrejeva (Bachvałava) i Daša Čulcova — žurnalistki polskaha telekanała, pryznanaha biełaruskimi ŭładami ekstremisckim. Dziaŭčatam prysudzili pa dva hady kałonii za strym z akcyi raźvitańnia z Ramanam Bandarenkam u listapadzie 2020 hoda ŭ Minsku. Jany pavinny byli vyjści na volu 20 listapada 2022 hoda.
Paśla ŭniasieńnia papravak u zakanadaŭstva sud pastanaviŭ pieraličyć terminy pakarańnia z raźliku 1 dzień znachodžańnia ŭ SIZA (da ŭstupleńnia prysudu ŭ siłu) = 1,5 dnia znachodžańnia ŭ kałonii.
