Fota Siarhieja Hudzilina
Centralnaja vybarčaja kamisija Hruzii akredytavała na miascovyja vybary, jakija projduć 2 kastryčnika, u jakaści mižnarodnych naziralnikaŭ hrupu pradstaŭnikoŭ CVK Biełarusi i jaje staršyniu Lidziju Jarmošynu.
U suviazi z hetym pradstaŭniki kampanii «Pravaabaroncy za svabodnyja vybary» źviarnulisia ŭ CVK Hruzii i zaklikali pierahledzieć pryniataje rašeńnie, piša «Viasna».
«Pry takich akaličnaściach zaprašeńnie pradstaŭnikoŭ CVK Biełarusi i jaje staršyni Lidzii Jarmošynaj dla ŭdziełu ŭ nazirańni za miascovymi vybarami ŭ Hruzii źjaŭlajecca niedapuščalnym i pa sutnaści budzie aznačać padtrymku hruzinskimi instytutami, u pieršuju čarhu CVK Hruzii, falsifikacyj vynikaŭ hałasavańnia na vybarach u Biełarusi, da jakich majuć niepasrednaje dačynieńnie zaprošanyja biełaruskija słužbovyja asoby», — havorycca ŭ paviedamleńni.
U Hruzii chvala abureńnia: Lidziju Jarmošynu zarehistravali niezaležnym naziralnikam na municypalnych vybarach
