Alaksandr Biahłoŭ padkreśliŭ, što ŭ studzieni hetaha hoda Uładzimir Pucin daručyŭ stvaryć umovy dla apracoŭki 100% naftapraduktaŭ, jakija Biełaruś ekspartuje praz rasijskija marskija party.
«Port Pieciarburhskaha naftavaha terminała moža stać viadučym u supracoŭnictvie našych krain», — adznačyŭ hubiernatar, padkreśliŭšy, što takija prajekty vyznačajuć inviestycyjnuju pryvabnaść Pieciarburha.
Nahadajem, što ŭ lutym 2021 hoda Biełaruś i Rasija padpisali mižuradavaje pahadnieńnie ab arhanizacyi pieravałki bolš za 9,8 młn ton biełaruskich naftapraduktaŭ u rasijskich partach u 2021-2023 hadach. Biełaruś harantavała pieravalić u 2021 hodzie nie mienš za 2 młn ton naftapraduktaŭ praz party Rasii. Zhodna z pahadnieńniem abjom moža być pavialičany.
