«My ŭbačyli, što, pa źviestkach CVK Hruzii, zajaŭku na ŭdzieł u miascovych vybarach Hruzii ŭ jakaści niezaležnych naziralnikaŭ dasłaŭ CVK Biełarusi na čale ź Lidzijaj Jarmošynaj, ź jaje podpisam. Nijakich inšych proźviščaŭ u toj momant nazvana nie było, — kaža kiraŭnik niaŭradavaj arhanizacyi «Mižnarodnaje tavarystva za spraviadlivyja vybary i demakratyju» Nino Dalidze. — Fakt: zajaŭka pryjšła mienavita z proźviščam Lidzii Jarmošynaj. Tak, jana kiraŭnica CVK Biełarusi, i tearetyčna być niezaležnymi naziralnikami mohuć być dva čałavieki ź biełaruskaha CVK, u tym liku i sama Jarmošyna. Ale paŭtarusia, pra inšyja proźviščy havorka nie išła. I ŭžo hetaha precedentu chapiła dziela taho, kab u hramadstvie i palityčnych kołach padniałasia chvala abureńnia. Viadoma ž, my daviedajemsia, ci źjavilisia paśla naviny pra abviaržeńnie biełaruskimi ŭładami byłych źviestak jakija-niebudź novyja proźviščy. Dla hetaha my navat zrobim aficyjny zapyt u CVK Hruzii. Ale sutnaści pretenzii da biełaruskaha CVK heta nie mianiaje».
Na ciapierašni momant atrymać kamientar ad Hruzinskaha CVK nam nie ŭdałosia. Jak tolki my jaho atrymajem, adrazu ž apublikujem.
U Hruzii chvala abureńnia: Lidziju Jarmošynu zarehistravali niezaležnym naziralnikam na municypalnych vybarach
