Anton vučyŭsia na druhim kursie ŭ BNTU, ale byŭ adličany za svoj učynak. Pracavaŭ ŭ «Makdonaldsie».
Toje zdareńnie adbyłosia viečaram 18 červienia. Pavodle śledstva, chłopiec u stanie ałkaholnaha apjanieńnia sarvaŭ dziaržaŭny ściah, jaki visieŭ nad padjezdam u internacie, dzie jon žyvie.
Minkieviča zatrymali ŭ toj ža dzień na 72 hadziny. 20 lipienia zatrymali jašče raz i vystavili abvinavačvańnie.
Sud išoŭ dva dni. Anton pryznaŭ vinu. Prakuror zaprasiŭ dla Minkieviča pakarańnie ŭ vyhladzie štrafu ŭ 150 bazavych vieličyń (4350 rubloŭ).
Mienavita taki prysud i vyniesła 14 vieraśnia sudździa Kazłova.
Zvyčajna padobnyja ŭčynki padpadajuć pad dziejańnie artykuła 370 Kryminalnaha kodeksa (źniavaha dziaržaŭnych simvałaŭ). Adnak pravaabaroncy fiksujuć taksama i spravy, u jakich śledstva kłasifikuje apahańvańnie dziaržaŭnych simvałaŭ jak zvyčajnaje chulihanstva.
