Biełaruski dom va Ukrainie zajaviŭ, što SBU zatrymała 5 biełarusaŭ dla praviadzieńnia «prafiłaktyčnych hutarak», siarod ich i vałanciorka, jakaja dapamahała ŭ lehalizacyi biełarusaŭ, jakija źbiahajuć z krainy.

Śpikier SBU ŭ svaju čarhu tłumačyć, što śpiecsłužba sumiesna z palicyjaj udzielničaje ŭ apieracyi «Mihrant», jakaja prachodzić z 1 pa 31 vieraśnia i praduhledžvaje vyjaŭleńnie nielehałaŭ.

16 vieraśnia ŭ ramkach hetaj apieracyi prajšła pravierka adnaho z kijeŭskich chostełaŭ, dzie było vyjaŭlena 12 hramadzian Biełarusi. Pry hetym pravaachoŭniki ŭstanavili, što dvoje ź ich niezakonna pierasiekli dziaržaŭnuju miažu Ukrainy.

Try čałavieki byli zaprošanyja ŭ administracyjny budynak SBU dla ich apytańnia. Paśla praviadzieńnia adpaviednych pravierak dvuch hramadzian Biełarusi pieradali ŭ Dziaržaŭnuju mihracyjnuju słužbu Ukrainy.

Клас
0
Панылы сорам
0
Ха-ха
0
Ого
0
Сумна
0
Абуральна
0