Pra heta «Svabodzie» paviedamili pradstaŭniki biełaruskaj dyjaspary ŭ Pieciarburhu.
Siarhieja Niepahodu zatrymali 16 vieraśnia na vychadzie sa śledčaha izalatara.
Udzielnik pratestaŭ u Maładziečnie byŭ zatrymany ŭ Pieciarburhu ŭ sakaviku. 41-hadovy mužčyna ŭciok ź Biełaruś letaś, paśla taho jak 19 červienia 2020-ha pasprabavaŭ adbić u siłavikoŭ udzielnika akcyi na skryžavańni vulic Vialiki Haściniec i Bahdana Chmialnickaha ŭ Maładziečnie.
Ekstradzirujuć taksama Uładzisłava Čakałava. U Biełarusi na mužčynu zaviedzienaja kryminalnaja sprava za finansavańnie pratesnaj dziejnaści.
Nahadajem, što raniej byli ekstradziravany z Rasii baksior Alaksiej Kudzin z Maładziečna i bieraściejec Vadzim Duboŭski. Kudzin, što byŭ u vyšuku, atrymaŭ try hady kałonii.
