Pa viersii abvinavačvańni, paklop i abraza ŭtrymlivalisia ŭ videarolikach błohiera na jaho jutub-kanale ŭ dačynieńni da Alaksandra Łukašenki, užo byłoha staršyni KDB Valeryja Vakulčyka, byłoha ministra ŭnutranych spravaŭ Juryja Karajeva i jahonaha namieśnika Hienadzia Kazakieviča, ministra abarony Viktara Chrenina, paviedamlajuć pravaabaroncy.
Sudździa Juryj Maškietaŭ pakaraŭ Rusłana Lińnika čatyrma hadami kałonii va ŭmovach ahulnaha režymu. Mienavita takoje pakarańnie zaprašvaŭ prakuror Jaŭhien Sierakoŭ. Na sudzie Rusłan Lińnik nie pryznaŭ vinu, admoviŭsia ad dačy pakazańniaŭ, a ŭ apošnim słovie raspavioŭ pra cisk, psichałahičnaje i fizičnaje ŭździejańnie z boku siłavikoŭ.
«22 lutaha supracoŭniki biez formiennaha adzieńnia — asoby byli ŭ bałakłavach — pačali akazvać psichałahičnaje i fizičnaje ŭździejańnie, kab daviedacca adras kvatery. Paśla pracesualnaha maŭčańnia na mianie byli nadzietyja kajdanki, i ŭsio praciahnułasia z novaj siłaj i pa novym scenary», — raspavioŭ Rusłan u apošnim słovie.
