Na Zachadzie nie mocna zacikaŭlenyja va ŭzmacnieńni biełaruskaj dziaržaŭnaści, zajaviŭ siońnia ministr achovy zdaroŭja Dźmitryj Pinievič na sustrečy sa studentami Biełaruskaha dziaržaŭnaha miedycynskaha ŭniviersiteta, paviedamlaje BiełTA.
U suviazi z hetym jon pryvioŭ prykład z historyi. «U VKŁ byŭ šaniec stać karaleŭstvam. My pavinny byli atrymać karonu. I kali kiravaŭ u Polščy Jahajła, jon zrabiŭ usio, kab karona, jakuju vieźli z Vatykana, była spynienaja. Z hetaj situacyi možna zrabić vysnovu, što na Zachadzie nie mocna zacikaŭleny va ŭzmacnieńni našaj dziaržaŭnaści nie tolki ciapier, ale i tady», — skazaŭ jon.
Ministr taksama raspavioŭ, što z 1921 pa 1936 hod polskaj administracyjaj byli vysiečanyja praktyčna ŭsie lasy ŭ Biełarusi, lasistaść krainy sastupała polskaj. Na siońnia kolkaść lasnych nasadžeńniaŭ pavialičyłasia ŭ try razy ŭ paraŭnańni ź pieryjadam da 1939 hoda.
Dźmitryj Pinievič padkreśliŭ, što jon znajomy z mnohimi aŭtarytetnymi polskimi kalehami i nie chacieŭ by hetymi prykładami pravakavać roznahałośsi pamiž rodnasnymi biełaruskim i polskim narodami. «Ja prosta kažu pra toje, jak jano było», — skazaŭ jon.
Nahadajem, siońnia Minzdaroŭja paviedamiła, što za sutki zafiksavana 1979 vypadkaŭ karanavirusa. Heta rekord za čas pandemii.