Namieśnik načalnika ŭpraŭleńnia DAI HUUS Minharvykankama Andrej Zyranaŭ u efiry «Radyjo-Minsk» raspavioŭ ab novaj sistemie kiravańnia transpartnymi patokami.
— U Minsku raspracavany płany kaardynavanaha kiravańnia rucham. Na 1-m haradskim transpartnym kalcy ŭstanoŭleny datčyki, realizavany supraćzatorny ałharytm. Na pr. Mašerava na ŭčastku ad pr. Niezaležnaści da pr. Pieramožcaŭ śviatłaforami kirujuć datčyki. Sistema samastojna, biez udziełu čałavieka mianiaje płany śviatłafornaha rehulavańnia, dadajučy albo pamianšajučy na śviatłaforach siekundy, u zaležnaści ad zahruzki, kab nie było zatoraŭ. I sistema spraŭlajecca sa svajoj zadačaj, naturalna, pad kantrolem śpiecyjalistaŭ. Takuju ž sistemu płanujem ukaranić na 2-m transpartnym kalcy, kab ruch tam byŭ maksimalna chutkim i kamfortnym.
