Pasoł Vatykana skazaŭ:
«Ja taksama ŭdziačny ŭładam, jakija vyrašyli ŭ Dzień narodnaha adzinstva abviaścić amnistyju, vyzvaliŭšy 13 čałaviek sa źniavoleńnia.
Nieabchodna paskoryć hety praces, kab dazvolić siemjam źjadnacca i viarnucca na pracu i ŭ svaje śviatyni. Heta, biez sumnievu, pojdzie tolki na karyść pracesu nacyjanalnaha prymireńnia ŭ krainie dziela ahulnaha dabra», — upeŭnieny vatykanski dypłamat.
Nahadajem, raniej stała viadoma, što ŭkazam Łukašenki pamiłavanyja 13 čałaviek.
Siarod pamiłavanych — asudžanyja pa nastupnych artykułach:
- 342 — arhanizacyja dziejańniaŭ, jakija hruba parušajuć hramadski paradak, ci ŭdzieł u ich,
- 369 — abraza pradstaŭnika ŭłady,
- 339 — chulihanstva,
- 130 — raspalvańnie rasavaj, nacyjanalnaj, relihijnaj ci inšaj sacyjalnaj varožaści,
- 188 — paklop u publičnym vystupie, ŚMI ci internecie,
- 391 — abraza sudździ.
Śpis pamiłavanych:
- Viktar Kalinoŭski — 2,5 hoda «chimii» (art. 339 KK, złosnaje chulihanstva), pakarańnie zamieniena na «chatniuju chimiju»
- Valeryj Łoza — 2,5 hoda «chimii» (art. 369 KK, abraza pradstaŭnika ŭłady)
- Maksim Šaŭlinski — 2 hady «chimii» (art. 188, paklop)
- Ihar Bykoŭskich — 1,5 hoda «chimii» (art. 369 KK, abraza pradstaŭnika ŭłady)
- Jaŭhien Karalčuk — 1 hod «chimii» (art. 370 KK, ździek ź dziaržsimvałaŭ)
- Siarhiej Rudzinski — 1,5 hoda «chimii» (art. 369 KK, abraza pradstaŭnika ŭłady)
- Jaŭhien Pašaluk — 2 hady «chimii» (art. 391 KK, abraza sudździ)
- Vadzim Syčyk — 1 hod «chimii» (art. 339 KK, chulihanstva), pakarańnie zamieniena na «chatniuju chimiju»
- Alaksandr Babroŭ — 2,5 hoda kałonii ahulnaha režymu (art. 342 KK, arhanizacyja ci ŭdzieł u dziejańniach, jakija parušajuć hramadski paradak)
- Julija Kašavierava — 1,5 hoda kałonii (art. 339 KK, złosnaje chulihanstva)
- Alaksiej Koršun — 2,5 hoda kałonii (art. 130 KK, raspalvańnie sacyjalnaj varožaści)
- Jaŭhien Hovar — 2,5 hoda kałonii (art. 342 KK, arhanizacyja ci ŭdzieł u dziejańniach, jakija parušajuć hramadski paradak)
- Jaŭhien Rapin — 3 hady «chimii» (art. 342 KK, arhanizacyja ci ŭdzieł u dziejańniach, jakija parušajuć hramadski paradak)