Alaksandr Kabanaŭ, Dźmitryj Andrasiuk i Siarhiej Piatruchin. Archiŭnaje fota, spring96.org
Andrasiuk prachodziŭ śviedkam pa spravie bresckich palitviaźniaŭ, błohieraŭ Siarhieja Piatruchina i Alaksandra Kabanava, jakich u krasaviku hetaha hoda asudzili na try hady kałonii ahulnaha režymu. Jak raspavioŭ aktyvist bresckim pravaabaroncam, kryminalnuju spravu na jaho raspačali za admovu adkazvać na pytańni sudździ, jaki razhladaŭ spravu Piatruchina i Kabanava, bo jon nie pakazaŭ słužbovaje paśviedčańnie sudździ.
«Ja nie mieŭ namieru admaŭlacca i nie admaŭlaŭsia ad dačy pakazańniaŭ. Saša [Kabanaŭ] i Siarhiej [Piatruchin] tut ni pry čym — tak zdaryłasia, što moj pieršy ŭdzieł u kryminalnym pracesie supaŭ ź ich kryminalnaj spravaj.
Dla mianie heta pryncypovaje pytańnie. Ja nie abaviazany ni vieryć, ni zdahadvacca, ni razumieć, ni fantaziravać, chto pierada mnoj staić — ja chaču viedać dakładna, chto da mianie źviartajecca. U luboj situacyi».
Prakuror paprasiŭ sud pakarać Andrasiuka tryma miesiacami aryštu. Prysud abvieściać u aŭtorak.
