BiełTA
Kandydatura Valeryja Hramady ŭzhodniena na pasadu pieršaha namieśnika ministra kultury. Da hetaha času jon taksama pracavaŭ u hetym ministerstvie na pasadzie namieśnika ministra. U svaju čarhu hetu pasadu zojmie Siarhiej Sarakač, da hetaha — načalnik upraŭleńnia kapitalnaha budaŭnictva i materyjalna-techničnaha zabieśpiačeńnia Ministerstva kultury.
Pasadu pieršaha namieśnika ministra pracy i sacyjalnaj abarony zojmie Natalla Paŭlučenka, a na jaje papiaredniuju pasadu — kiraŭnika fonda sacyjalnaj abarony nasielnictva — uzhodnienaja kandydatura Julii Bierdnikavaj. Da ciapierašniaha času jana była namieśnikam kiraŭnika hetaha fondu.
Departamient pa jadziernaj enierhietycy Ministerstva enierhietyki ŭznačalić Alaksiej Dzierbin, jaki kiravaŭ Słužbaj pravavoha zabieśpiačeńnia i ekspartnaha kantrolu ZAT «BiełInSoft».
Kaciaryna Dubinskaja ŭzhodnienaja na pasadu dyrektara «Vydaviecki dom «Piedahahičnaja presa». Da hetaha jana pracavała hałoŭnym redaktaram haziety «Viačerni Minsk».
Viktar Dzienisienka pryznačany pasłom u Tadžykistanie. Jon byŭ namieśnikam načalnika hałoŭnaha ŭpraŭleńnia — načalnika ŭpraŭleńnia krain SND hałoŭnaha ŭpraŭleńnia Rasii, krain SND i jeŭrazijskaj intehracyi MZS.
Pasłom u Braziliju pryznačany Siarhiej Łukaševič, jon byŭ staršym daradcam pasolstva Biełarusi ŭ Ispanii.
Andrej Čarniecki paśla pracy na pasadzie načalnika Hałoŭnaha ŭpraŭleńnia KDB uznačalić pasolstva ŭ Karei.
Kamianiecki rajvykankam uznačalić Vital Kułak, jaki kiravaŭ Žabinkaŭskim rajvykankamam. Na hetuju pasadu ŭ svaju čarhu ŭzhodnienaja kandydatura Vadzima Kraŭčuka — pieršaha namieśnika staršyni Bresckaha harvykankama.
Alaksandra Michiejenka źmienić pasadu staršyni Čerykaŭskaha rajvykankama na anałahičnuju pasadu ŭ Kaściukovickim rajonie.
Administracyju Pieršamajskaha rajona Viciebska ŭznačalić Jaŭhien Siemionyčaŭ, jaki pracavaŭ na pasadzie dyrektara filijała «Viciebskaje vytvorčaje ŭpraŭleńnie «VRUP «Viciebskabłhaz».





