Prahrama dla siabroŭstva / «Jeŭraradyjo»
«Ja pačaŭ spampoŭvać prahramy dla znajomstvaŭ. Ale, na žal, hetyja pradukty nie adpaviadali maim zapatrabavańniam. Ciapier ludzi znajomiacca inakš, čym raniej. Jość adčuvańnie, što Tinder, Badoo stvorany, kab dapamahčy znajści partniora na ŭsio žyćcio abo sieks na adnu noč. Ale bolšaja častka ludziej ciapier chočuć znajomicca dla taho, kab zavieści novych siabroŭ, — 41%. Znajści partniora chočuć tolki 19%. I naš pradukt supraćpastaŭlaje siabie tradycyjnym dejtynhavym prahramam», — kaža Dźmitryj.
Miechanika «Tyndera» — svajpić naprava i naleva tych, chto padabajecca ci nie padabajecca. Dźmitryj ličyć, što aceńvać ludziej jak tavar u XXI stahodździ — sastarełaja ideja.
U prahramie waka možna svajpić, naprykład, nie fatahrafii, a miemy. Ałharytm padbiare vam partniora, jakomu padabajucca tyja samyja miemy, što i vam. Heta značyć, vy śmiejaciesia z adnych i tych ža žartaŭ — užo niadrenny pačatak dla razmovy, pahadziciesia. I niadrennaja zamiena tradycyjnamu «Zdaroŭ, jak maješsia?».
A nieŭzabavie płanujecca dać karystalnikam mahčymaść šukać surazmoŭcu nie pa miemach, a pa temach. Niama z kim abmierkavać važnuju dla vas prablemu? Raspracoŭščyki pasprabujuć dapamahčy.
Prahrama imkniecca znajści dla karystalnika nie partniora, a siabra.
«My raźličvajem, što karystalnik budzie ŭsio bolš pahłyblacca ŭ anłajn, jamu tam budzie davacca ŭsio bolš mahčymaściaŭ. I tam u ich budzie bolš mahčymaściaŭ sacyjalizavacca. Kali heta daje čałavieku bolš mahčymaściaŭ pakaŭyvać siabie, čamu nie?» — kaža Dźmitryj.
Čamu novaje pakaleńnie, spampoŭvajučy prahramu dla znajomstvaŭ, čaściej dumaje pra siabroŭ, čym pra sieks? Dźmitryj tłumačyć: tolki 13% karystalnikaŭ prahram dla znajomstvaŭ spampoŭvajuć ich, kab znajści partniora. Jon vypraŭlajecca: heta zusim nie značyć, što novaje pakaleńnie seks nie cikavić.
«Heta statystyka taho, dla čaho ludzi vykarystoŭvajuć prahramy dla znajomstvaŭ. Heta značyć, ludzi pierastali šukać seks u prahramach dla znajomstvaŭ», — tłumačyć Dźmitryj.
Jon adznačaje: u 1989 hodzie kolkaść ludziej, u jakich nie było seksu va ŭzroście ad 18 da 30 hadoŭ, pa statystycy składała 13-15%. Da 2018 hoda hetaja ličba vyrasła — ciapier havorka idzie pra 18% mužčyn i 28% žančyn.
