azot.by
«Učora zatrymali majho namieśnika Valancina Cieranieviča, a siońnia jaho žonku prosta z pracy vyrvali dla niejkich śledčych dziejańniaŭ, — paviedamiŭ «Salidarnaści» staršynia pieršasnaj arhanizacyi niezaležnaha prafsajuza AAT «Hrodna Azot» Andrej Chanievič.
Taksama napiaredadni zatrymali dvuch členaŭ strajkama pradpryjemstva Andreja Pahieryła i Uładzimira Žuraŭko. Jany zastajucca pad vartaj.
22 vieraśnia dniom u strajkamie AAT «Hrodna Azot» «Salidarnaści» paćvierdzili infarmacyju ab zatrymańni jašče niekalkich azotaŭcaŭ.
Heta majstar pa ramoncie abstalavańnia cecha «Amijak-3» Ryhor Ruban, majstar źmieny cecha «Amijak-3» Dźmitryj Iluščanka i mašynist pompavych ustanovak cecha «Karbamid-2» Alaksiej Sidar, jaki pajšoŭ u stačku.
— Da mianie samoha pakul nichto nie prychodziŭ, nijakich pretenzij nie pradjaŭlali. Mahčymaści taho, što pryjduć pa mianie, ja nikoli nie vyklučaŭ. A jak možna jaje siońnia vyklučać? Hetyja hanieńni na niezaležny prafsajuz nie ŭpieršyniu. Ale źjazdžać ja nikudy nie źbirajusia, — skazaŭ Andrej Chanievič.
Viadoma, što na pradpryjemstvie niaprostaja situacyja z kadrami. Supracoŭniki roznaha ŭzroŭniu praciahvajuć zvalniacca. Niekatorym kiraŭnictva kateharyčna admaŭlajecca padpisvać zvalnieńnie pa ŭzhadnieńni bakoŭ, nastojvajučy na tym, kab ludzi nie sychodzili».
Čytajcie taksama: «Kalehi vosieńniu kazali: «Supakojsia», a siońnia pytajucca, što rabić». Siarhiej Dyleŭski pra nastroi na zavodach i svajo žyćcio ciapier
