Pra heta paviedamlaje Kazachskaja słužba Radyjo Svaboda.
U 2008 hodzie Atabiek (sapraŭdnaje proźvišča — Jedzihiejeŭ) byŭ asudžany da 18 hadoŭ źniavoleńnia pavodle artykuła ab arhanizacyi masavych biesparadkaŭ. Tady žychary ŭskrainy Ałmaty akazali supraciŭ palicejskim, skiravanym dla znosu ich damoŭ, pabudavanych, jak śćviardžajecca, biez dazvołu.
U sutyknieńniach zahinuŭ 24-hadovy palicejski.
Paet kateharyčna admaŭlaŭ abvinavačvańni pa svajoj kryminalnaj spravie.
Jon byŭ pryznany palityčnym źniavolenym šmatlikimi pravaabarončymi i mižnarodnymi arhanizacyjami. Usie hady źniavoleńnia jon utrymlivaŭsia ŭ turmach udalečyni ad Ałmaty, u jakoj pražyvaŭ da aryštu. Jon admaŭlaŭsia padavać zajavu ab daterminovym vyzvaleńni, ličačy, što jano vymusić jaho ŭziać na siabie vinu za złačynstva, za jakoje jaho asudzili.
Atabiek byŭ aktyŭnym udzielnikam palityčnaha žyćcia Kazachstana z 80-ch hadoŭ XX stahodździa. Jon byŭ u apazicyi da pieršaha prezidenta krainy Nursułtana Nazarbajeva. Da hetaha jon byŭ adnym z aŭtaraŭ zvarotu da Źjezda narodnych deputataŭ SSSR ab pradastaŭleńni Kazachstanu suvierenitetu.
Da taho — udzielničaŭ u masavych pratestach u Ałma-Acie ŭ 1986 hodzie suprać pryznačeńnia ruskaha partyjnaha dziejača Hienadzia Kołbina na pasadu pieršaha sakratara CK respublikanskaj Kampartyi, heta značyć, faktyčnaha kiraŭnika respubliki.
