Jak tolki ŭ siecivie źjaviłasia videa z kvatery na Jakuboŭskaha, 29, dzie prajšła pierastrełka siłavikoŭ z Andrejem Zielceram, mnohija ŚMI i ekśpierty stali źviartajuć uvahu na detali. Naprykład, šmat chto zadavaŭ pytańnie: čamu na pieršych kadrach z pakoja, dzie znachodzilisia Andrej Zielcer i jaho žonka, u adlustravańni bačna, što akno zakrytaje štoraj, praź niekalki chvilin z taho ž rakursu ŭžo bačna, što štora adchinutaja.
Siońnia na telekanale ANT u prahramie «Tryvožnaja knopka» heta patłumačyli tak: maŭlaŭ, u hety pramiežak času žonka Andreja Zielcera Maryja Uśpienskaja vykidała telefon, na jaki zdymała kanflikt, na vulicu. Telefon, pa infarmacyi žurnalistaŭ, adšukali adrazu ŭ viečar trahiedyi.
