Z raskładu suda stała dakładna viadoma, što Alesiu Bialackamu vystavili abvinavačvańnie tolki pa adnym artykule Kryminalnaha kodeksa — č. 2 art. 243 (uchileńnie ad vypłaty padatkaŭ), paviedamlaje «Viasna».

Sankcyja pa hetym artykule praduhledžvaje pakarańnie ŭ vyhladzie abmiežavańnia voli da 5 hadoŭ abo pazbaŭleńnie voli na termin ad 3 da 7 hadoŭ.

Hetaja infarmacyja raniej była nieviadomaja, bo advakat pravaabaroncy znachodzicca pad padpiskaj ab nierazhałošvańni, a listy viasnoŭca ź SIZA žorstka cenzurujucca.

Raniej paviedamlałasia, što, akramia artykuła za padatki, jaho abvinavačvajuć pa dvuch častkach art. 342 Kryminalnaha kodeksa.

Pavodle abvinavačańnia, Aleś Bialacki sumiesna z Uładzimiram Łabkovičam, Valancinam Stefanovičam, Dźmitryjem Sałaŭjovym «i inšymi nieŭstanoŭlenymi asobami» kiravali pracaj «Viasny» paśla jaje likvidacyi Viarchoŭnym sudom u 2003 hodzie. Jany «ŭ parušeńnie normaŭ Hramadzianskaha i Padatkovaha kodeksaŭ «nie zarehistravali «Viasnu» ŭ jakaści jurydyčnaj asoby i padatkapłacielščyka i nie padavali dakumienty ŭ padatkovuju. Tym samym jany «schavali ad padatkovych orhanaŭ źviestki ab ažyćcioŭlenych vypłatach <…> i ŭchililisia ad pryznańnia arhanizacyi padatkovym ahientam». Takim čynam pravaabaroncy «ździejśnili ŭchileńnie ad vypłaty sum padachodnaha padatku <…> šlacham utojvańnia padatkovaj bazy za pieryjad z 2013 pa 2020 hod u ahulnaj sumie nie mienš 113 tysiač 428 rubloŭ, što składaje 3 911 bazavych vieličyniaŭ»

***

- SIZA-1, 220030, h. Minsk, vuł. Vaładarskaha, 2 (Aleś Bialacki, Valancin Stefanovič, Uładzimir Łabkovič, Marfa Rabkova, Andrej Čapiuk)

- SIZA-3, 246003, h. Homiel, vuł. Knižnaja, 1A (Leanid Sudalenka, Taćciana Łasica)

Клас
Панылы сорам
Ха-ха
Ого
Сумна
Абуральна