apple.com
Zvyčajny iPhone 13 (128 HB) kaštuje 2999 rubloŭ, madel na 256 HB — 3399 i na 512 HB — 4099 rubloŭ.
Minijaciurny iPhone 13 mini z takimi ž abjomami schovišča acanili adpaviedna ŭ 2699, 2999 i 3799 rubloŭ.
Staršyja Pro-viersii — daražejšyja. Tak, iPhone 13 Pro startuje z 3799 rubloŭ (128 HB), dalej iduć madyfikacyi za 4099 (256 HB), 4899 (512 HB) i 5599 (1 TB) rubloŭ. Pavialičany iPhone 13 Pro Max aceńvajecca adpaviedna ŭ 4099, 4499, 5299 i 5999 rubloŭ za viersii z anałahičnymi schoviščami.
Ale padčas pieradzamovy mohuć dziejničać asablivyja ŭmovy pa košcie aparataŭ, u kožnaha z aficyjnych reseleraŭ jany krychu adroźnivajucca.
Naprykład: u sietcy kram i-Store (sa statusam Apple Premium Reseller) iPhone 13 (128 HB) časova addajuć za 2799, iPhone 13 mini (128 HB) — za 2499, iPhone 13 Pro (128 HB) — za 3599, iPhone 13 Pro Max (128 HB) — za 3899 rubloŭ.
U Biełarusi smartfony daražejšyja, čym u inšych krainach.
Paraŭnajem aficyjnyja ceny smartfonaŭ u Biełarusi i inšych krainach. Naprykład, u Hiermanii za iPhone 13 Pro (128 HB) prosiać €1149, abo $1327. U Biełarusi taki ž smartfon pa kursie na 8 kastryčnika kaštuje $1525. U ZŠA pryładu acanili ŭ $999, u susiedniaj Rasii — u 99 990 rasijskich rubloŭ, abo $1392.
Zvyčajny iPhone 13 (128 HB) u pieraliku pa kursie ŭ Biełarusi acanili ŭ $ 1203. U Hiermanii za pryładu prosiać €899, abo $ 1038. U Rasii acanili ŭ aparat 79 990 rasijskich rubloŭ, abo $1113.
Nahadajem: iPhone 13 i iPhone 13 Pro atrymali OLED-ekrany na 6,1 cali, iPhone 13 mini — na 5,4 cali, iPhone 13 Pro Max-na 6,7 cali. Pryłady pracujuć na pracesary A15 Bionic (5-nm techpraces), abstaloŭvajucca zdvojenymi i patrojnymi asnoŭnymi kamierami na 12 Mp, sistemaj razbłakoŭki pa tvary Face ID z pamienšanym vyrazam pad datčyki, sistemaj abarony ad vady i pyłu, a taksama stereadynamikami.
