Z 9 kastryčnika hramadzianie abaviazanyja nasić maski i trymacca dystancyi ŭ kramach, abjektach hramadskaha charčavańnia, bytavoha absłuhoŭvańnia, pry naviedvańni teatraŭ, kinateatraŭ, kulturna-masavych mierapryjemstvaŭ, stadyjonaŭ, pradpryjemstvaŭ, ustanoŭ achovy zdaroŭja, aptek i inšych abjektaŭ.
Va ŭsich rehijonach nazirajecca niespryjalnaja epidemijałahičnaja situacyja pa zachvaralnaści na novuju karanavirusnuju infiekcyju. Źmieny ŭstupiać u siłu z 9 kastryčnika.
Adkaznaść z 9 kastryčnika budzie ŭskładziena i na hramadzian pry naviedvańni arhanizacyj, abjektaŭ, pradpryjemstvaŭ. Vykonvać praviły nieabchodna budzie i ŭ hramadskim transparcie ŭsich vidaŭ, uklučajučy taksi. U sanitarnych normach i praviłach taksama prapisana, jak pavinna nasicca maska: jana pavinna zasłaniać nos, rot i padbarodak.
Kantralavać vykanańnie patrabavańniaŭ budzie sanitarna-epidemijałahičnaja słužba sumiesna z MUS i Mintransam.
