«212-ty dzień u pałonie. 26 dzion bieź listoŭ. 1 sutki ŭ karancinie. Narešcie Dzianisa Ivašyna vyzvalili z karcaru, — piša Volha. — Ciapier jon chacia b zmoža sahravacca dadatkovaj vopratkaj, koŭdraj abo navat haračaj harbataj pry najaŭnaści ŭ kahości kipiacilnika. Dzianis nadta pačaŭ pierajmacca kolkaściu pieradač i pasyłak, jakija my dy inšyja jamu dasyłajem. Jość nievialikaja vierahodnaść taho, što sapraŭdnaj pryčynaj źmiaščeńnia Dzianisa ŭ karcar była banalnaja zajzdraść da toj uvahi, jakuju Dzianis maje. Kolki b ni staralisia stvaryć infarmacyjnuju błakadu vakoł jaho z karespandencyjaj, pasyłki i pieradačy ničym, aproč karcaru, nie spyniš. A jašče Dzianisu dachodzić šmat roznych haziet i časopisaŭ, jakija my jamu vypisvajem štomiesiac».
Dzianisa Ivašyna zatrymali siem miesiacaŭ tamu, 12 sakavika. Heta źviazana z apošnim jahonym rasśledavańniem pra słužbu byłych ukrainskich bierkutaŭcaŭ u Biełarusi i ź intervju telekanału «Nastojaŝieje vriemia».
