«Treba zacikavić ludziej nie źjazdžać ź sielskaj miascovaści, žyć va ŭłasnym žylli. Umovy, jakija siońnia jość dla ŭładalnikaŭ hetaj nieruchomaści, roznyja. Naprykład, žyvuć na terytoryi rajonnaha centra dva školnyja nastaŭniki. Adzin ź ich u šmatkvaternym domie. Druhi žyvie ŭ pryvatnym domie i płacić padatak za ziamlu praparcyjna tamu učastku, jaki zajmaje jaho domaŭładańnie. Moža, jano i nie vielmi vialikaje, ale sotak 10, napeŭna, zajmaje. Plus dom, jaki tam na im staić. Jon płacić padatak za ziamlu, płacić padatak za nieruchomaść, dy jašče jamu treba jaho strachavać ŭ abaviazkovym paradku.
Kali ž jon palapšaje žyllovyja ŭmovy i pobač dzieści pierajazdžaje ŭ šmatkvaterny dom, to zrazumieła, što padatak na ziamlu tam budzie minimalny, tamu što prykładna taki ž učastak, jak heta domaŭładańnie, zajmaje dom šmatpaviarchovy, jon raście ŭvierch, a nie ŭ šyryniu. I tam nie treba płacić padatak na nieruchomaść, heta lhota. Voś tut my zabiaśpiečym razumny spraviadlivy padychod.
Možna, viadoma, pajści inšym šlacham. Chaj padatak na nieruchomaść nie płaciać i ŭ indyvidualnych damach, ale jak być ź biudžetam? I ŭ śviecie asnoŭnyja dachody dziaržava atrymlivaje z majomaści, jakoj vałodajuć. Daražejšaja majomaść — bolš płaciš. Bolš majomaści — adpaviedna hetak ža», — raskazaŭ ministr finansaŭ.
Biełarusy buduć płacić padatak na nieruchomaść ź pieršaj kvatery? Abnarodavany prajekt zakona
U Minfinie patłumačyli, chto nie budzie płacić padatku na kvateru
