U Rasii kolkaść paćvierdžanych vypadkaŭ zachvorvańnia Covid-19 za dzień vyrasła na 29 409, što źjaŭlajecca najbolšym pakazčykam z pačatku hoda, paviedamlaje VVS.
Da hetaha takija vysokija ličby fiksavalisia ŭ kancy śniežnia 2020 hoda, adnak užo ŭ studzieni kolkaść chvorych pajšła na źmianšeńnie.
Usiaho na hety momant u Rasii zarehistravana 7 804 774 vypadki zachvorvańnia. Pavodle štaba, najbolšaja kolkaść novych vypadkaŭ zachvorvańnia adznačana ŭ Maskvie — 5002, Sankt-Pieciarburhu — 2931 i Padmaskoŭi — 2184.
U Pieciarburhu samaja drennaja statystyka ŭ adnosinach kolkaści śmierciaŭ da kolkaści chvorych — tam za sutki pamierła 63 čałavieki. U Maskvie pamior 71 pacyjent z karanavirusam. Ahulnaja kolkaść śmierciaŭ za apošnija sutki skłała 957.
